Wakiilka Middowga yurub u fadhiya Dowlad Goboleedka Puntland, Dr. Mahamed Awad Abbas, oo baaq deg deg ah ka soo saaray fatahaadaha QARDHO

BAAQ DEG- DEG AH QARDHO !!
Wakiilka Middowga yurub u fadhiya Dowlad Goboleedka Puntland, Dr. Mahamed Awad Abbas, oo baaq deg deg ah ka soo saaray fatahaadaha QARDHO

Bredene – Belgium.  Wakiilka Puntland ee Midowga yurub Mudane MA Abbas oo ka tacsiyeeyay musiibada naf iyo maalba leh ee ka dhalatay daadadkii ku fatahay magaalada Qardho ayaa ku baaqay in wadajir loogu istaago shacab iyo dowladba u gurmadka dadkeenna ay soo gaartay dhibaatada xooggan.

Dr.Abbas, ayaa tilmaamay murugada ay leedahay boqolaalka qoys ee hoygoodii iyo hantidoodii ku waayey daadadkii ku soo rogmaday magaalada, iyada oo dalkeenna ay ka jirto halis caafimaad “COVID19” oo la tacaaliddeeda aynu ku gudo jirno maskax & Muruqba.

“Waxaan idinla qeybsanaynaa anigoo ku hadlaya Magaca Xukuumada Md Siciid Abdulaahi Dani & Dhamaan shaqaalaha Xafiiska Puntland State Of Somali EU. murugada iyo dhibka, annaga oo xoogga saareyna sidii aan u uga qayb qaadanlahayn samata-bixinta qoysaska nugul ee maanta ay soo food-saartay dhibaatadu. Dhammaan dadkeenna Soomaaliyeed, gaar ahaan reer guuraaga waxaan ugu baaqayaa in ay ka taxadaraan daadadka iyo fatahaadaha maadaama lagu gudo jiro xilli roobaadkii.”

Dr. Abbas ayaa bogaadiyey Madaxweynaha Puntland S.Abdulahi Dani, sida degdega ahayd ee uu uga qeyb qaatay gurmadka, waxaan mar kale bogadinayaa isu gurmashada iyo is-garab istaagga ay isu muujiyeen dadka deegaanka, gaar ahaan dhallinyaradii intaas oo idil u taagnaa samata-bixinta qoysaska iyo dadka nugul.

Dr.Abbas ayaa faray Dhamaan Ganacsatada, hayaddaha samafalka, Qurba joog & qoljoogba iney u kacaan walaalahooda reer Qardho. Xukuumadda Puntland in ay Guddi Gurmad Qaran ah u saarto musiibada daadadkan ku soo rogmaday Qardho.

Wakiilka Puntland ee midowga yurub, ayaa Alle naxariistiisa Janno u weydiiyey dhammaan muwaadiniinta ku shahiiday daadadkan, caafimaad deg deg ahna waxa uu u rajeeyey intii ku waxyeelowday.

Wakiilka Midowga Yurub Ee Dawladda Puntland Oo Ka Hadlay Xaalada Qardho

Wakiilka Middowga yurub u fadhiya Dowlad Goboleedka Puntland, Dr. Mahamed Awad Abbas, oo baaq deg deg ah ka soo saaray fatahaadaha QARDHO

Posted by Holhol Media on Wednesday, April 29, 2020

Leave a Comment

Your email address will not be published. Required fields are marked *

Scroll to Top