(Sawiro) Dareenka Qofnimo Aqbali Maayo Xoolahaaga Inta Lagaa Qaado Oo Laguugu Hor IIbiyo….

Cidna taageeri mayso xiligan adag ee lagu jiro in la fasaxo qaadka laga joojiyay guud ahaan soomaaliya hasayeeshee degaanada Sool Sanaag iyo Cayn oo maamulka SNM-tu ay xoog ku joogaan waxaa ka jira dhibaatooyin ay kamid yihiin in lagu sii kordhiyay ka ganacsiga qaadka, waxaana arintan hormuud u ah Maamulka gobolka iyo degmadda Laascaanood ee u shaqeeya maamulka Somaliland.

Abdiqani Maxamuud Jiidhe iyo Cabdicasiis Xuseen Taarwale oo labaduba maamulka Hargeysa ugu magacaaban gudoomiyaha iyo maayarka degmada laascaanood waana xubnaha ugu baahida badan cunista qaadka maadama Cabdiqani Maxamuud Jiidhe uu xaruntiisa ku leeyahay marfish weyn oo habeenkii lagu qayilo halka Cabdicasiis xuseen uu u kiraysanyahay guri weyn oo loogu talagalay goob qaadka lagu cuno.

Arbaco May 6,2020 ayaan kula kulanay qaar kamid ah haweenka ka ganacsada qaadka laascaanood oo hor-tuban taliska qeybta booliiska gobolka sool ee magaalada laascaanood kuwaa oo xidhiidh ganacsi kala dhaxeeyay ilaalada gudoomiyaha iyo maayarka degmada laascaanood.

Maalintaasi waxaa saldhiga ku xaraysnaa gaadhi calaawi ah oo qaad ka buuxo lagana soo qabtay degmada xudun ee gobolka sool, waana qaadka ay sugayaan gabdhaha banaanka hore taagan, ee horey ula heshiiyeen ilaalada gudoomiyaha inay qaadka u keeni doonaan.

Qaar kamid ah ganacsatada qaadka ayaa loo fasaxay inay qaadka keenaan qaab qarsoodi ah si aysan bulshada u ogaan xidhiidhka ka dhaxeeya maamulka iyo ganacsada qaadka balse bulshada waxaa lagu jahwareeriyay qaadad laga soo qabto degaano fog sida qaadkii u socday ceerigaabo ee laga soo qabtay wadda u dhaxaysa xudun iyo awarbogays.

Dhawaan waxaan soo gudbin doonaa waraysi ku saabsan sababta qaad la qabtay Talaado May 5,2020 in la gubo Khamiis May 7, 2020 Sababta qaadka xudun lagu qabtay uu ilaalada gudoomiyaha iyo maayarka ay ugu dhex iibiyeen gudaha laascaanood Maxaa loogu gubi waayay degmada xudun oo laascaanood loola soo aaday

La Soco Goor Dhow Qaar kamid Ah ganacsada dumarka

Sawirada Waa gaadhigii xudun laga soo qabtay oo sadex cisho kadib garaabadii la gubayo

 

Leave a Comment

Your email address will not be published. Required fields are marked *

Scroll to Top